23 октябрь соат 14-40 (Туркия вақти) Туркияда кучли ер силкиниши юз берди. Зилзиланинг кучи 6-7 балл атрофида.
Баъзи шахарларда хусусан эпицентр дея айтилган Ван шахрида зилзила бир неча бор қайта бўлган.
Айнан Ван ва Эрджиш шахарларида вайроналар кўп...

Кеча кундузи, маҳаллий вақт билан соат 13:41 да Туркиянинг Ван вилоятида 7,2 балли зилзила рўй берди. Сўнгги маълумотларга қараганда, ер силкинишлари оқибатида 217 киши ҳалок бўлган, 1090 киши эса жароҳатланган.
Туркия Ички ишлар вазири Идрис Наим Шаҳиннинг айтишича, зилзила Ван шаҳрида 100 кишининг, Эржиш туманида эса 117 кишининг ҳаётига зомин бўлган. Офат юз берган жойга мамлакат бош вазири Режеб Тайип Эрдоған келган.
Зилзила маркази Ван шаҳридан 35 километр узоқликда, ўчоғи эса 94 километр чуқурликда бўлган. Вандан ташқари Карс, Ардаған ва Эрзурум шаҳарларида ҳам ер силкинишлари қайд этилган. Сейсмологлар зилзила туфайли Ван кўли шимолида жойлашган Намрудтоғ вулқони уйғониши мумкинлигини айтишмоқда.
Вандаги энг кучли зилзила 1976 йилда юз берган ва ўшанда 3840 киши ҳалок бўлган. Туркия тарихидаги энг кучли ер силкиниши эса 1999 йилда мамлакатнинг шимоли-ғарбида қайд этилган. Ўшанда 20 киши қурбон бўлган.
Маълумотларга кўра, кечқурун Ванда яна зилзила рўй берган.