Ўз ҳаётингни яша...Қўй иғвою фисқу фасодни. Шундоғам умр қисқа. Билмаганимиз, билолмаганимиз қанча? Сени йиғлатган ноҳақлар бир куни жазосини топадир...Сен виждонинг олдида уялмасанг бўлгани. Гоҳида ҳаёт ташвишларидан, синовларидан қийналиб кетамиз, бўғзимиз тиқилади, йиғлай десанг аламдан кўзингдан ёш ҳам чиқмайди. Аслида шу пайт шукурни эсласак, ҳаммаси яна маромига тушади. Чунки, шукур қилишда, оптимистлик, кўнгилтўқлик яширин, билсанг. Умуман олганда ҳаммасига улгуриб қолиш керак. Ҳеч кўнглинг ёришмаётган бўлса, ташқарига боқ: қор ёғяпти...Осмонларда юрган бўлсанг, шу қор каби ўйноқлаб-ўйноқлаб ерга туш...Шунда ҳам кичик ҳақиқат: майда қор учқуни ҳам сониялар ичида умр битиряпти. Бировдан кўп, бировдан кам яшайсан, бировдан тўқ, бировдан оч...Муҳими, қанча узоқ умр кўрганинг эмас, уни қай даражада чиройли яшаб битирганингда. Кўнгил битмишларим сўнгида ниҳояларим:

Севсанг чин сев! Дўст бўлсанг, ҳақиқий бўл! Иймонли бўлсанг, бутун бўл! Яратган йўлидамисан, Инсон бўл!