19:07 ИНТЕРНЕТ ОРҚАЛИ ТОПИЛГАН ВАҲШИЙ МУҲАББАТ ! | |
 ИНТЕРНЕТ ОРҚАЛИ ТОПИЛГАН ВАҲШИЙ МУҲАББАТ ! Дам олиш жараёнида бадиий асарлар ўқиб , журналистикадан четлашдиму , аёллик вазифасидан лаззатландим... Аёл ... Бу ном жуда катта маъсулиятни юклайди аёлга! У кўпинча кўнгил билан эмас, ақл билан иш тутишга интилиши лозим... Аммо баъзи аёлларимиз адашиб колишлари хам мумкин экан…БУНГА ИНТЕРНЕТ САБАБЧИ БЎЛАДИ ...ИШОНМАЙСИЗМИ УНДА УШБУ ҲАЁТИЙ ВОҚЕАНИ ЎҚИНГ ! Анчадан буён журналистика соҳасидан четлашдим. Нега дейсизми? Дам олгим келди .. Ўз хоҳишим билан ариза ёзиб ишимдан кетгач, жуда чарчаган эканман , эркин қушдек ўзимни ҳис этдим . У ерда ижод қилиб анча чиниқдим, малакам ошди , ўша корхонанинг муассисидан ҳам миннатдорман , чунки ҳақиқий меҳнаткаш инсонларни тарбиялаб вояга етказади ! Қайтиб боришимни сўраб чақиришди , аммо ... эркинлик устунлик қилди . Уй бекаси бўлишни истадим . Айримлар бир газета очган экан, у ердан хайдалибди , деган гапни хам айтишибди . Аслида у газетага қизиқиб , тажрибамни амалда синашни истаб янги ғоялар билан ишга киришгандим . Айрим берилган ваъдалар ва талабларим амалга ошмагач , шартномани буздим . Дам олиш жараёнида бадиий асарлар ўқиб , журналистикадан четлашдиму , аёллик вазифасидан лаззатландим... Аёл ... Бу ном жуда катта маъсулиятни юклайди аёлга! У кўпинча кўнгил билан эмас, ақл билан иш тутишга интилиши лозим... ИНТЕРЕНЕТДАГИ МУХАББАТ Яқинда бир аёл қўл телефонимга қўнғироқ қилди . Аёлнинг овози мендан нажот сураётгандек эди гўё ... - Менинг телефон рақамимни қаердан олдингиз ? Сизни тинглашга вақтим йўқ . -Агар мени тингламасангиз , ўзимни ўлдираман ! -Мен сизнинг дардингизни ёза олмайман , ахир . Ишламаяпман , уйда ўтирибман .. Истасангиз , бир журналист қизнинг рақамини бераман ... - Йўқ , менга сизнинг маслаҳатингиз керак . Аёлни уйга чақирдим . Бир пиёла чой устида суҳбат қурдик ... Бундан бир йил аввал , нуфузли корхоналардан бирида иқтисод бўлими бошлиғи бўлиб ишлардим . Ҳисобда озгина хатоларга йўл қўйган эканман , қамалишимга сал колди ! Бор будимни сотиб қамоқ жазосидан қутилдим. Ишдан бўшагач, анча вақтгача ишсиз юрдим. Бирорта корхона ишга олмади . Умр йўлдошим билан тез -тез жанжаллашадиган одат чиқардик , чунки ичиб келиб мен билан уришадиган бўлди . Ахир мен учун машинасини сотишга мажбур бўлди -да . Уч фарзандни боқишнинг ўзи бўладими ? Эрим машинасиз қолгач , "сен учун боримни сотдим , ернинг тагидан бўлса ҳам мошин олиб берасан” , деб тўполон кўтарди . Қайнсингилларим , қайнотам мен билан уришгани уришган . Қайнотамнинг кўзига карай олмайман , улар мени камоқдан сақлаб қолишдию , мен худди бир умрга муттаҳамдек ҳис қилдим ўзимни . Жанжаллар кескинлашавергач , эрим отасининг уйига бориб яшай бошлади . Мен фарзандларим билан не қилишимни , кимдан пул сўрашни билмайман . Бир неча бор пишириқ сотдим , харидор бўлмади, касодга учрадим . Эримга қўнғироқ қилиб пул сўраган эдим , "уч талоқ сенга” , деди . Ҳолатимни тасаввур қила олмайсиз ! Ота - онам ўлиб кетган , укам қамоқда , Козоғистонда яшайдиган синглим эридан орттириб пул жўнатармиди ?! Не қилишингни билмасанг , интернет дўстингга айланиб қоларкан . Хориждан иш қидириш мақсадида карточка сотиб олиб интернетдан нажот қидира бошладим . Кечаси билан компьютер қаршисида ўтираман. Вақтим самарасиз кетмади , шекилли , Италияда ишлайдиган бир йигит билан танишиб қолдим . Жуда ёқимтой кўринди . Эримдан аламимни олиш максадида , нотаниш йигит билан яхши гаплаша бошладим . Унинг севмай турмуш қурганлиги , буйрагининг касаллиги , раҳмимни келтирди . Раҳмимни келтирадиган одатлари бисёр эди ! Бир куни буйраги шу даражада оғриди -ки, компютер қаршисида букилиб қолаёзди . Мен эса унга далда бериб турдим. Ёнидаги ўртоғи тез ёрдам чақирди . Ҳатто шифохонадан ҳам менга қўнғироқ қилиб соатлаб гаплашарди ... Мен ожиза , ёлғизликдан нажот излаган зот , унинг ширин сўзларига шу даражада илкишибманки , бутун олам ўзгарди , назаримда ! Мен унга маҳлиё бўлдим , севгини энди туйдим ! Севгининг нима эканлигини шу пайтгача англамаган эканман , опагинам ! 35 ёшимда севиб колибман а ?! Тоҳирнинг качон ишдан қайтиб , қачон интернетга киришини интизорлик билан кутардим . Аҳволимни айтиб берганимдан сўнг менга 100 доллар пул жўнатди . Олдим. Ахир болаларни боқишим керак , кимдан олай ?! Бир ойдан сўнг 200 жўнатди . Мен учун янги ҳаёт бошланди ! Туни билан гаплашиб чиқардик . Мени ишга чақириши мумкинлигини айтганида фақатгина бир фикр миямда чарх урарди , фарзандларимни кимга ташлаб кетаман ? Эрим эса менинг ҳам , фарзандларимнинг хам борлигини умуман унутиб қўйганди . Тоҳирнинг муҳаббати туғён урди , ширин сўзларим шу даражада кучли эканки , мени кўргиси , мендан бўса олгиси келаверди . Туни билан йиғлардик : "Жоним, уйингиз , бўлса , машинангиз бор экан , шу ерда хам ишласангиз бўлади -ку ! Нега мусофирчиликда сарсон- саргардонсиз?!” дердим уни кўргим келиб . Тоҳир компютеримга скайп ўрнаттирди . Энди бир- биримизни бемалол кўрадиган бўлдик . У туфайли моддий аҳволим яхшилана бошлади . 9 яшар ўғлимдан "бор, музлаткични очиб қара - чи, нималар бор” , дерди кулиб . Ўғлим фалон нарса бор, у нарса йўқ , дея , ҳисобот берарди Тоҳирга . Агарда уйда бирор егулик бўлмаса , мени уришиб , эртасигаёқ пул жўнатарди. Мен бирор марта пул юбор , демаганман ! Эрим уйимизда нима бору, нима йўқлиги билан ҳеч қачон қизиқмасди . Доим мен бозорга чиқардим , доим мен пулни харажат қилардим . Тоҳирнинг эътибори остида мен аёллигимни ҳис этдим . Унинг меҳри , қайсарлиги , жавобгарлик ҳиссини ўз зиммасига олганлиги мени шу даражада ром этдики , усиз дунёни тасаввур эта олмайдиган бўлиб қолдим. Скайп қурғур ёқилган вақт ҳам бемалол ечиниб , уй кийимларини кияверардим . Бу қилиғим бошимга битган бало бўлишини қайдан билибман ?! Шу тариқа тўққиз ой ўтди . Тоҳир ишини ташлаб , мени кўриш учун дийдоримга ошиқди. ”Мен энди Италияга қайтиб келолмайман , сен учун кетяпман . Никоҳ ўқитишим шарт”, деди келишидан олдин . Аэропортда ўзим кутиб олдим. Бўйи мендан пастроқ экан , қилиқлари хам негадир ёқмади ... Ресторанда ўтирдик , сал жиркандим . Ресторандан чиқиб хайрлашдик . Кечаси соат учлар чамаси эрим қўнғироқ қила бошлади "Назира , мен ёмон туш кўрдим , менга хиёнат қилмадингми?!” . "Жиннимисиз... қандоқ ёдингизга тушдим ?! Тинчликми?” Овозим қалтирарди , "талоғим бор -ку” , деб ўзимни овутардим . Эртасига Тоҳир билан бирга никоҳ ўқитиш учун муллага борадиган кунимиз, телефоним жиринглади . "Назира , уйдамисан? Гаплашиб олишим керак!” Бу эримнинг овози эди. Худди сезгандек ... Тохирнинг уйида ишлари кўпайиб кетди. Биласиз , узоқдан келган одам зиёфатдан бери келмайди . Мен эса шу бир ҳафта ичида ўз муаммоларимни ҳал қилишим керак эди . Эрим чиройли, келишган , мулойим , ўқимишли инсон . Ҳар бир инсоннинг ҳам камчилиги бўлади, баъзида кўп ичади , кейин оиласида эрка ўсганлиги учун дангаса ...Уни кўришим билан йиғлаб юбордим . Ахир деярли бир йил кўришмаганмиз! Аламим эса ичимни кемириб борарди ? Қандай кечирай ? Кечира оламанми уни?! Тоҳир -чи, унга берган ваъдаларим бор ... Тўғри , менинг тенгим эмас , биз умуман мос эмасмиз , унинг ёқимсиз қилиқлари асабимни қўзитади ... Лекин , эрим кўз очиб кўрганим , обрўйим ... Бир ой хабаримни олмади -я! -Ажрашишга ариза беринг . Талоғимни бергансиз ! -Йўқ , мен ажрашмайман , фарзандларимизни отасиз қолдириш гуноҳ ! Талоғингни берган бўлсам , мен буни тан олмайман . Иккинчидан муллага борамиз , олам гулистон яна никоҳлаб қўяди . -Мен сиз билан яшашни истамайман ! Оғир кунларимда мени ташлаб қўйдингиз ! Қаердан пул топдинг ? Ким сени боқди дедингизми ? -Кечир , сендан бошқаси менга керакмас ! Мана арендага мошина олдим , энди ҳаммаси яхши бўлади . Ишларимиз юришиб кетади , билмадим нима жин урди , сени кўргим келмай қолганди . Кечир Назира , илтимос! Унинг ялиниб ёлворишлари қалбимни эритса -да , "кетинг бу ердан, мен сиз учун ўлганман!” , дейишга куч топа олдим. Эримнинг номардлигини баҳона қилиб , уйдан ҳайдадим. Мен Тоҳирни кутардим . Орадан уч кун утгач , у ажрашишга ариза берганлигини айтди . Аввалига қўрқиб кетдим , кейин эса ... Кўз олдимдан йиғлаётган эрим кетмасди . Телефон жиринглади . Аёл овози: "Сиз Назирами ?! Худодан қўрқмайсизми ? Менинг фарзандларимни отасиз қолдираяпсизми , ҳали? Виждон борми сизда ?! Агарда эрим мен билан ажрашса , сизни ер муштлаб қарғайман ! Муддаосини айтганидан кейин отаси уйга қамаб қўйган . Мен болаларим билан онамнинг уйига келдим . Биздек камбағалларнинг уволи тутсин сизни ! Юборган пулининг тайини йўқ , бор пулини фақат сизга юборган эканда ! Худодан сизга қайтади ҳали!” . Бу гапларни эшитиб бошим айланди . Нима қилиб қўйдим ? Мен, мусичанинг хам инини бузишга қўрқадиган аёл битта оилани бузяпманми ?! Ахир у юборганди . Мен бир сум сўраганмидим?! Оилангга пул жунатяпсанми деб сўрардим- ку ! Эркак зоти ҳам шу даражада ёлғончи бўладими ? Тоҳир менга тез -тез қўнғирок қилиб ҳасратлашар , уйдагиларни тинчитиши билан мен билан учрашишни айтарди . Кўп ўтмай бир дугонам фирма очаётганлигини айтди , корхонага ҳисобчи керак экан . Уйда ўтириб бўлса ҳам ишларимни юритиб бергин пулини тўлайман деди у . Тоҳирга эрга тегиш ниятидан қайтганлигим учунми , йўлим очилди. Икки ҳафтада 200 доллар ишладим . Эрим бозоримни қилгани учун бу пулларни ундан яширдим ва Тоҳирни чақириб 200 долларини қайтариб бердим . -Буни хотинингга олиб бор . Мен ҳамма қарзимни бир ой ичида тўлайман , фақат бир илтимос, биз бошқа учрашмаймиз. -Нима ?! Учрашмймиз ?! Сен меники бўласан , билдингми? Устингдан арз қиламан ! Ҳамма СМСларинг менда бор . Эрингга кўрсатаман , яланғоч тушган суратларинг -чи, скайп қаршисида ечинганларинг эсингдами ? Сен мендан қутилиб бўлибсан ! Сен ҳали мени шунга чақирганмидинг ! Мен сен учун ижарага уй олдим, ҳозир мен билан борасан ! Турган жойимда қотдим! Бундай жавобни, рости кутмаган эканман . У мени судраб таксига миндирди . Хаёлим ўзимда эмас, нима бўлаётганлигни англасам -да , ўзимни бошқара олмасдим . Бир уйга кирдик , ёлвордим, йиғладим , фойдаси бўлмади. Унинг жирканч баданини куриб дилим беҳузур бўлди . Ярим шиша коньякни симириб ичдим. У ёғини эслай олмайман ... Шу тариқа Италияга ёзилган смслар , яланғоч суратларим туширилган дисклар Тоҳир томонидан тез -тез эслатиладиган қуролга айланди . Бу жирканч хонадонга кундузи мен эмас, менинг оёқларим борарди . Эрим билан ярашдик , аниқроғи ўзи уйга келиб кетмайман энди , деб туриб олди... Никоҳ ўқитамиз , деган заҳоти ичимни бир илон тишлайди . Бир сесканиб тушаман. "Бирортага никоҳлашлари керак -ку , мен буни истамайман” , дейман секин . Шу тариқа орадан тўрт ой утди . Тоҳир оиласи билан ажрашди , мен учун ажрашди . "Болаларинги эрингга ташлаб , мен билан хорижга кетасан” дейди . Мен эса икки ўт орасида хонавайронман . Агарда эрим мени ўз ҳолимга ташлаб қўймаганида мен шу аҳволга тушармидим?! Синглим ! Айтинг ! Не килай , қайга борай ?! Дардимни кимга айтай ? Милицияга мурожаат қилай десам , шарманда буламан . Исбот ва далил бор . Тоҳир мени ўлгудек севади , икки бор менинг рад жавобимни эшитиб ўз жонига қасд қилганида шифокорлар умрини сақлаб қолишди. Мен аросатдаман ! Меҳрга шунчалар зор эканман , бошимга балоларни орттирдим! ДИЛШОДА МАТЧАНОВА Всего коммен | |
| Категория: Savol/Javob | Просмотров: 773 | | |
| Всего комментариев: 1 | ||
| ||
