Ko’nglimga ozorlar soldi yor

Mendan ham ayrilib qoldi yor

Bilmaydi menda ham yurak bor

Xor qilmoqlik uvol emasmi

Endi u yor meni demasmi?!

Ko’zimni oldidan ketmadi

Sog’inchim shamollar eltmadi

Tonglar otaverdi qiynadi

Zor qilmoqlik azob emasmi

Endi u yor meni demasmi?!

Qo’lida bir o’yinchoqman men

Zerikkanda ovunchoqman men

Hayotim o’yindir misoli

O’yin qilmoq gunoh emasmi

Endi u yor meni demasmi?!

Hayollar oromim o’g’irlab bo’ldi

Meni sevmas ekan umidim so’ndi

Qalbim fig’onlar-u armonga to’ldi

Ishonmaslik gumon emasmi

Endi u yor meni demasmi?!

O’zin ko’z-ko’z qilib bunchalar

Qiynar yuragimni shunchalar

Dilimning ko’z yoshlari tomchilar

Rashq qilishim u tushunmasmi

Endi u yor meni demasmi?!

Nega sevdim borimni berib

Nega sevdim jonimni berib

Qiynaverar holimni bilib

Endi ortiq meni sevmasmi

Endi u yor meni demasmi?!

Tushunsaydi o’zgarolmayman

Bevafoni men sevolmayman

Qizg’onaman lek kecholmayman

Qizg’onishim sevganimmasmi

Endi u yor meni demasmi?!

Dardimni bilmaydi eh afsus!

So’ramaydi holim ham ma’yus

Ko’nglimni egallab oldi kuz

Hazon bo’lsam xursand bo’lmasmi

Endi u yor meni demasmi?!

Men baribir uni sevaman

Sevaman va yonib sevaman

Uni faqat uni sevaman

Meni ham o’ylasa bo’lmasmi

Endi u yor meni demasmi?!