Бугун интернет-мулоқотда ишлатиладиган смайликнинг «туғилган куни». Ижойбий ҳисларни ифодаловчи мазкур белги 1982 йилнинг айни шу кунида Карнеги-Меллон университети (АҚШ) профессори Скотт Фалман томонидан ўйлаб топилган. Интернет-мулоқот пайтида кетма-кет келадиган уч белги – икки нуқта, дефис ва беркитувчи қавсдан табассум қилаётган чеҳра ўрнида фойдаланиш ғояси профессор Фалманга тегишли. Смайлик чат ёки электрон пойта орқали алоқага киришганда овоз оҳанги ва мимика ўрнини босади. Смайликлар суҳбатдошни яхшироқ тушунишга ёрдам беради.