Саудия Арабистонининг Даммом шаҳридаги ресторанларнинг бирида ғалати қоида жорий этилди. Энди мижозлар буюрилган таомни охиригача емаса, унга жарима солинади, дея хабар қилади Gulf News.

Умумий овқатланиш муассасаси раҳбарияти тежамкорликни жорий этиш, мижозларнинг исрофгарчиликка йўл қўймаслигини таъминлаш мақсадида ана шу ишга қўл урди. "Мармар” ресторани соҳиди Фаҳад ал-Анисийнинг айтишича, ортиб қолган овқат учун жарима у қадар катта эмас, ўша ортиб қолган овқатнинг миқдорига қараб белгиланади. Бунга хўрандалар қандай фикр билиришгани маълум эмас.