Ўзбекистонлик ФИФА ҳаками ассистенти Абдуҳамидулло Расулов Осиёнинг 2011 йилдаги энг яхши қанот ҳаками деб топилди.

У икки нафар япониялик ҳамкасблари - Наги Тошиюки ва Тогу Сагарани ортда қолдиришга муваффақ бўлди.

Ҳамюртимиз Равшан Эрматов билан биргаликда январь ойида Қатарда ўтказилган Оиё кубоги финалини, ОЧЛ-2011 финалини бошқариб борди.

35 ёшли РасуловЖЧ-2014 саралашининг 2 ва 3-босқичи ва Олимпиада саралашининг бир нечта ўйинларида иштирок этишга муваффақ бўлди.

Совринни қабул қилар экан ҳамюртимиз:
"Ушбу соврин ҳаётимда давомида дастлабкиси бўлади. Бу мен учун катта натижа. Буни тинимсиз меҳнат ва машаққат маҳсули деб биламан. Йилнинг энг яхши ҳакам ассистентига аталга соврин менга берилганидан хурсандман ва уни ўзбекистонлик ҳакамлар билан баҳам кўришни истайман", дея таъкидлаб ўтди.